தினசரி நடப்பு நிகழ்வுகள் இதழ் — 27 July 2026

இந்திய டிஜிட்டல் பொருளாதாரத்தின் விரைவான வளர்ச்சியால், சந்தை ஆதிக்கத்தைக் கட்டுப்படுத்த இந்தியப் போட்டி ஆணையத்தின் பங்கு அதிகரித்துள்ளது.

தமிழக எம்பி அன்புமணி ராமதாஸ் எழுப்பிய கேள்விக்கு, கர்நாடகாவின் மேகதாது திட்டம் தொடர்பாக மத்திய ஜல்சக்தித் துறை இணை அமைச்சர் மாநிலங்களவையில் எழுத்துப்பூர்வ பதிலளித்துள்ளார்.

போட்டித் தேர்வுகளில் வினாத்தாள் கசிவைத் தடுக்கும் சட்டங்களை மேலும் வலுப்படுத்த பொதுத் தேர்வுகள் (முறைகேடுகள் தடுப்பு) திருத்த மசோதா 2026-ஐ மக்களவையில் மத்திய அரசு தாக்கல் செய்தது.

இந்தியாவின் முதல் டிஜிட்டல் மக்கள் தொகை கணக்கெடுப்பிற்காக தமிழ்நாட்டில் ஆன்லைன் சுய பதிவு முறை அறிமுகப்படுத்தப்பட்டுள்ளது.

சென்னையில் நடைபெற்ற பயிலரங்கில் நிபுணர்கள், முதியோர் நலம் மற்றும் மலட்டுத்தன்மை போன்ற தமிழகத்திற்குரிய சுகாதாரப் பிரச்சினைகளை எதிர்கால NFHS கணக்கெடுப்பில் சேர்க்க வலியுறுத்தினர்.

கரூர் நெரிசலில் பலியானோரின் குடும்பத்தினருக்கு அரசுப் பணி வழங்கும் அரசாணைகள் அரசியலமைப்புக்கு எதிரானவை எனக் கூறி சென்னை உயர்நீதிமன்றம் ரத்து செய்தது.

காவிரி நீர் தகராறு தொடர்பான 2018 உச்ச நீதிமன்ற தீர்ப்பில், மேகதாட்டு திட்டத்தை அமைக்க பிற மாநிலங்களின் ஒப்புதல் பெற வேண்டும் எனக் குறிப்பிடப்படவில்லை என்று மத்திய ஜல் சக்தி அமைச்சகம் தெரிவித்துள்ளது.

மாநிலத்தின் வருவாயைப் பெருக்குவதற்கான வழிமுறைகளை பரிந்துரைக்க திட்டக் குழுவின் முன்னாள் துணைத் தலைவர் மான்டேக் சிங் அலுவாலியா தலைமையில் வருவாய் பெருக்குக் குழுவை தமிழக அரசு அமைத்துள்ளது.

FCNR(B) திட்டத்தில் 32 பில்லியன் டாலர் வரை அந்நியச் செலவாணி குவிந்துள்ள நிலையில், இந்திய ரூபாயின் மதிப்பு குறைவாக உள்ளதாக ரிசர்வ் வங்கி ஆளுநர் சஞ்சய் மல்ஹோத்ரா தெரிவித்துள்ளார்.

தென்கொரியாவின் புசானில் நடைபெற்ற உலகப் பாரம்பரியக் குழுவின் 48-வது அமர்வில், சாரநாத் அதிகாரப்பூர்வமாக உலகப் பாரம்பரியக் களமாகப் பட்டியலிடப்பட்டது.

இந்து, சீக்கியம் அல்லது பௌத்தம் தவிர்த்த பிற மதங்களுக்கு மாறுபவர்கள் பட்டியலின அந்தஸ்தை இழப்பார்கள் என்ற தீர்ப்பை எதிர்த்த சீராய்வு மனுவை உச்ச நீதிமன்றம் தள்ளுபடி செய்தது.

பத்தாவது அட்டவணையின் கட்சி இணைப்பு தொடர்பான விதியை மறுபரிசீலனை செய்யக் கோரிய கபில் சிபாலின் மனுவை விசாரிக்க உச்ச நீதிமன்றம் ஒப்புக்கொண்டது.

பல்லுயிர்ப் பெருக்கம் மற்றும் சுற்றுச்சூழல் சேவைகளைப் பாதுகாக்க புனிதக் காடுகளை வரைபடமாக்கிப் பாதுகாக்க உச்ச நீதிமன்றம் உத்தரவிட்டுள்ளது.

மாணவர் போராட்டங்களின் போது நடந்ததாகக் கூறப்படும் காவல்துறை அத்துமீறல்கள் தொடர்பான மனுக்களை விசாரிக்க ஒப்புக்கொண்ட உச்ச நீதிமன்றம், அமைதியான முறையில் போராடுவது அரசியலமைப்பு உரிமை என சுட்டிக்காட்டியுள்ளது.

காவிரி மற்றும் கொள்ளிடம் ஆறுகளில் நீர்வரத்து குறைந்ததால், தஞ்சாவூர் மாவட்ட நிர்வாகம் நீர் வரவு-செலவு மேலாண்மை திட்டத்தைத் தொடங்கியது.

குறிப்பிட்ட இனாம் நிலங்களைத் தனிநபர்கள் பெயரில் பதிவு செய்ய விதிக்கப்பட்ட தடையை நீக்கிய தமிழக அரசு, கோயில் நிலங்கள் கணக்கெடுப்பை மாநிலம் முழுவதும் விரிவுபடுத்த முடிவெடுத்துள்ளது.